ಪುತ್ತೂರು, ಅ. 25: ಅಂಬೇಡ್ಕರ್ ಹೋರಾಟ ಸಮಿತಿ ಪುತ್ತೂರಿನ ನೂತನ ಪದಾಧಿಕಾರಿಗಳ ಪದಗ್ರಹಣ ಸಮಾರಂಭವು ಅ. 25ರ ಭಾನುವಾರ ಪುತ್ತೂರಿನ ಸೈನಿಕರ ಸ್ಮಾರಕದ ಬಳಿ ಜಿಲ್ಲಾ ದಲಿತ ಮುಖಂಡ ರಾಜು ಹೊಸ್ಮಠ ಅವರ ಮುತುವರ್ಜಿಯಲ್ಲಿ ನಡೆಯಿತು.
ಸಮಿತಿಯ ನೂತನ ಗೌರವಾಧ್ಯಕ್ಷರಾಗಿ ಶೋಭನಾಥ ಉಪ್ಪಿನಂಗಡಿ, ಸದಾಶಿವ ನಾಯ್ಕ ಬನ್ನೂರು ಹಾಗೂ ಚಿದಾನಂದ ನಿಡ್ಪಳ್ಳಿ ಅವರನ್ನು ಆಯ್ಕೆ ಮಾಡಲಾಯಿತು. ಅಧ್ಯಕ್ಷರಾಗಿ ಶೇಖರ್ ಮಾಡಾವು, ಉಪಾಧ್ಯಕ್ಷರಾಗಿ ರಾಜು ಹೊಸ್ಮಠ, ಬಾಬು ನೆಕ್ಕರೆ ಬೆಳ್ಳಿಪ್ಪಾಡಿ ಹಾಗೂ ಸಾಂತಪ್ಪ ನರಿಮೊಗರು ಅವರನ್ನು ನೇಮಕ ಮಾಡಲಾಯಿತು.
ಪ್ರಧಾನ ಕಾರ್ಯದರ್ಶಿಗಳಾಗಿ ಬಾಬು ಎನ್. ಸವಣೂರು ಮತ್ತು ಚಂದ್ರ ಬೀರಿಗ, ಸಹ ಕಾರ್ಯದರ್ಶಿಯಾಗಿ ಸುರೇಶ್ ಆನಡ್ಕ ಆಯ್ಕೆಯಾದರು. ಗೌರವ ಸಲಹೆಗಾರರಾಗಿ ಸೇಸಪ್ಪ ನೆಕ್ಕಿಲು, ನಂದರಾಜ್, ಸಂಕೇಶ್ ಹಾಗೂ ಬಿ.ಟಿ. ಕುಮಾರ್ ಅವರನ್ನು ನೇಮಿಸಲಾಯಿತು.
ಖಜಾಂಜಿಗಳಾಗಿ ಧನಂಜಯ್ ಕಬಕ ಮತ್ತು ಧರಣಿ ಕೆಯ್ಯೂರು, ಸಾಮಾಜಿಕ ಜಾಲತಾಣ ಪ್ರಚಾರಕರಾಗಿ ವಿಶ್ವನಾಥ್ ಪುಣ್ಚತ್ತಾರು ಹಾಗೂ ಪ್ರವೀಣ್ ಏಮಾಜೆ ಅವರನ್ನು ಆಯ್ಕೆ ಮಾಡಲಾಯಿತು. ಸಮಿತಿಯ ಸರ್ವ ಸದಸ್ಯರು ಕಾರ್ಯಕ್ರಮದಲ್ಲಿ ಭಾಗವಹಿಸಿದ್ದರು.
ಸಮಿತಿಯ ಪ್ರಮುಖ ಬೇಡಿಕೆಗಳು
ಪುತ್ತೂರಿನಲ್ಲಿ ಒಂದು ವರ್ಷದೊಳಗೆ ಸುಸಜ್ಜಿತ ಅಂಬೇಡ್ಕರ್ ಭವನ ನಿರ್ಮಿಸಬೇಕು. ದರ್ಬೆ ವೃತ್ತಕ್ಕೆ ಸಂವಿಧಾನ ಶಿಲ್ಪಿ ಡಾ. ಬಿ.ಆರ್. ಅಂಬೇಡ್ಕರ್ ವೃತ್ತ ಎಂದು ನಾಮಕರಣ ಮಾಡಿ ನಾಮಫಲಕ ಅಳವಡಿಸಬೇಕು. ವಂಚಿತ ಸಮುದಾಯಗಳ ಭೂಮಿಯ ವಿಚಾರದಲ್ಲಿ ಸರ್ಕಾರ ನಿರ್ಲಕ್ಷ್ಯ ಧೋರಣೆ ಅನುಸರಿಸುತ್ತಿದೆ ಎಂಬ ಆರೋಪದ ಬಗ್ಗೆಯೂ ಸಮಿತಿ ಗಮನ ಸೆಳೆದಿದೆ.
ದಲಿತ ಸಮುದಾಯದ ಹಕ್ಕುಗಳು ಹಾಗೂ ಬೇಡಿಕೆಗಳ ಈಡೇರಿಕೆಗಾಗಿ ಸಂಘಟಿತ ಹೋರಾಟಕ್ಕೆ ಸಾರ್ವಜನಿಕರು ಕೈಜೋಡಿಸಬೇಕೆಂದು ಅಂಬೇಡ್ಕರ್ ಹೋರಾಟ ಸಮಿತಿ ಪುತ್ತೂರು ಪ್ರಕಟಣೆಯಲ್ಲಿ ಮನವಿ ಮಾಡಿದೆ.
